loksins blogg...

Jæja sorry bloggletina en það er búið að vera brjálað að gera hjá mér, sem er æði en þegar ég fæ pásur þá hreinlega nenni ég ekki að blogga! En allavega here goes:

Búin að vera að sprella á fullu í handboltanum (og líður eins og ég sé í skrokki 117 ára gamallar konu, en merkilegt nokk þá er það þess virði ;-þ) Unnum deildina eins og ég sagði frá um daginn og erum komnar í úrslitaleikinn í bikarnum sem verður þann 4.júní í Crystal Palace. Hérna eru myndir frá undanúrslitaleiknum (verðið að copy/paste-a): http://www.flickr.com/photos/44934934@N05/5721773549/in/set-72157626600657501

Ég hreinlega VERÐ að gera eitthvað í andlitinu á mér þegar ég spila, þessa útblásnu kinnar eru hreinlega ekki nógu töff!! o_O

Annars fórum við til Manchester síðasta sunnudag til að spila síðasta leikinn í deildinni, leikur sem skipti engu máli en við kláruðum hann með stæl. Við vorum í ströggli með þær síðast þegar við spiluðum við þær (fyrir 2 vikum í 8-liða úrslitum bikarsins) en þá unnum við 30-40 (ekki beint leikur sterkra varna!) en síðasta sunnudag unnum við 15-42 og kellan setti 10 mörk að þessu sinni, og aftur aðallega af því að þær voru að taka skyttuna okkar, og stundum miðjumanninn úr umferð, þannig að ég fékk allt pláss í heiminum, og sem betur fer náði ég að nýta það :o)

Helgin sem er að koma er crazy, erum að fara í brúðkaup á morgun og ég er komin með ótrúlega enskt dress (meira að segja með svona skraut á hausnum! ekki alveg jafn dramatískt og á myndinni, myndin er bara til að gefa ykkur hugmynd, en ég set inn myndir frá brúðkaupinu eftir helgi :o)), sem er samt voða krúttlegt (þó að ég muni nú seint teljast krúttleg í kjól!!), en svo á laugardagsmorgunin, brottför kl.5:00 (!), reyndar fara flestar á föstudagskvöldið, en við erum tvær sem förum á laugardagsmorgun, til Liverpool til að spila á handboltamóti. Fyrsti leikur kl.9 á lau, þannig að við verðum að vera komnar í tæka tíð. Þetta mót er bara til að hafa gaman og ég hlakka ekkert smá mikið til, kann ótrúlega vel við stelpurnar í liðinu mínu og hlakka ótrúlega mikið til að eyða helginni í handbolta og annars konar skemmtun ;o)


Ég get nú eiginlega ekki bloggað án þess að minnast á þessi kattakvikindi mín, en Einstein verður furðulegri með hverjum deginum! Við erum með millihurð í eldhúsinu og hún þarf að vera opin til að kettirnir komist út um kattaflipann sinn sem er á bakdyrahurðinni. Ef millihurðin af einhverjum ástæðum er lokuð, venjulega þegar við erum að stússast í eldhúsinu og þurfum að loka henni til að koma að skápum o.fl., þá kemur Einstein hlaupandi að hurðinni og horfir svo á okkur þar til við opnum hurðina, en það er ekki til að fara út um kattaflipann, nei yfirleitt fer hann bara og labbar einn hring á baðherberginu eða snusar af þvottavélinni eða eitthvað svona bara til að þykjast hafa ástæðu til að fara í gegnum millihurðina!! Held að hluti af þroskahömlun hans sé einhvers konar einhverfa, hann bara höndlar ekki að hafa hurðina lokaða..! o_O

Annars er Ingunn vinkona að koma á mánudag! :-D Ætlum að tala saman um helgina til að ákveða hvaða nammi hún ætlar að koma með handa okkur!! haha eðlilegt! En ég hlakka ekkert smá til að fá hana í heimsókn, og svo koma Svana og Grímur vikuna eftir, þannig að það er ansi þétt dagskrá framundan! Mun vera með myndavélina á lofti og henda inn myndum fyrir áhugasama á næstunni ;o)

Ætla að láta þetta duga að sinni, later...

Einstein og millihurðin