öppdeit

Ég ætla nú bara að fara hingað og þangað í þessu bloggi! Í fyrsta lagi þá elska ég hvað ávextir eru ferskir og ódýrir hérna! Er búin að borða ógrynni af allskyns berjum síðan ég kom, mmmmm elska allskyns ber! :-D Þessi mynd er af ávöxtunum sem ég var að maula á þegar ég var að taka próf sem ég þarf að taka til að fá að vinna sem einkaþjálfari hér (aðeins meiri kröfur en heima! Sem er gott sko), en ég stefni nottla á að rúlla því upp :-þ





Fór á hestbak áðan með tengdó, hún er sem sagt atvinnuknapi, á risastóran hest og keppir í að hoppa yfir allskyns hindranir og það eru sko ekki þessar litlu grindur sem maður sér í sjónvarpinu, þetta eru massív stökk og ansi erfið íþrótt! Ég á mögulega svölustu tengdamömmu í heiminum :-þ Að verða sextug en gefur yngri keppendum ekkert eftir! Er alveg snarofvirk sko (á góðan hátt :o)) En já, ég fór sem sagt á hestbak áðan,fékk lánaðan ljúfling á næsta bæ og vá hvað var gaman, ég ELSKA að fara á hestbak!




Við fáum íbúðina okkar 31.ágúst en erum byrjuð að sanka að okkur húsgögnum, þetta er borðstofuborðið okkar og sófinn, svona svo að þið fáið smá sýnishorn...





Og svo bara svona einhverjar myndir, kisurnar þeirra, Bengalkisur sem eru æði, en vá hvað ég sakna kisanna minna :-/ Svo er Hugo í nýja hlífðarsettinu sínu, ég er ótrúlega ánægð að hann ætlar að vera með hlífðarhjálm á hausnum og svo er hann með hlíf fyrir bringubeininu sem er aðeins viðkvæmara eftir hjartaaðgerðina (hann var með hjartagalla, man ekki hvort ég var búin að segja frá því.)En já, klárlega léttir að hann reyni að hlífa hausnum á sér aðeins í öllum þessum hamagangi..!

Ég var að fjárfesta í korti í gymminu, það er AÐEINS dýrara en heima, ca. 8000.- kall á mánuði! O_o Reyndar finnst mér alltaf jafn fyndið þegar fólk heima er að væla yfir að það sé dýrt að borga 4-6000.- kr á mánuði í ræktina. En svo vilja allir að allt sé hreint og tækin í toppstandi, eins og það kosti bara ekkert að viðhalda þessu. En já, mánaðarkort í ræktina heima kostar ca. jafn mikið og leigubílaferðin heim af djamminu (fyrir utan alla þúsundkallana sem fólk eyðir fyrir utan leigubílaferðirnar!)þannig að ég ákvað að sjá ekki eftir þeim peningum sem ég eyði í að lifa heilbrigðu lífi :o)

Ég er byrjuð að keyra!! Og er bara nokkuð góð þó að ég segi sjálf frá! ;o) Fyrir utan reyndar heilhveitis hringtorgin!! En Hux er algjör nasisti (á góðan hátt, eg það er hægt) og lætur mig keyra út um allt og í öllum aðstæðum! Fyrst var ég alltaf að berja hurðina hægra megin, leita að gírstönginni en þetta er allt að koma :o)

Það eru allir að spyrja mig um allt ljóta fólkið í Englandi, og ég hef bara eiginlega ekki séð neitt mjög mikið af ljótu fólki, við erum reyndar á svo ríku svæði, en ég fæ kannski að fara að skoða hjólhýsapakk bráðum :o) Hins vegar sé ég fullt af dýrum! Sá dádýr áðan í reiðtúrnum (búum eiginlega í sveit) og svo eru kanínur út um allt, er alveg að elska þetta sko :-D

humm, annars er ekkert meira að frétta, nema að Sveinn Ingi er að koma til okkar 17.september :-D Verður ótrúlega gaman að fá hann í heimsókn. Ég er ekki búin að vera hérna nema tæpar 2 vikur en mér líður eins og það séu komnir 2 mánuðir! Og þó að allt sé æði hérna þá sakna ég fjölskyldunnar minnar alveg ótrúlega mikið og finnst að þau eigi öll að koma í heimsókn sem fyrst ;-D Og auðvitað sakna ég vina minna líka ;o)

Jæja ætla að láta þetta duga að sinni, og takk fyrir kommentin enn og aftur, gaman að heyra frá ykkur <3