Vá hvað ég er tóm! Ég, Arnar og Gulla (sjá mynd, ég er þessi stóri guli við hliðina á fötunni) erum uppí HR að reyna að klára hópverkefni. Vorum í gærkvöldi til hálf eitt, þessi hópverkefni eru algjör dauði! Ekki af því að þau eru erfið, heldur af því að það er mesta strögglið að reyna að finna tíma sem hentar öllum! Hefði reyndar aldrei trúað því að ég gæti verið á kvöldin að læra en það er fáránlegt hvað maður á mikla orku þegar maður þarf á henni að halda. Ég verð reyndar kannski í steiktari kantinum, held að Arnari og Gullu hafi t.d ekki fundist ég mjög fyndin í gær:-/ En mér fannst ég mjööööög fyndin, og það er nottla það sem máli skiptir;oþ

Hey ég er byrjuð að geta hlaupið aftur eftir misstigið, fór í leikfimi í gær og var eins og belja að vori:o) Vildi óska að ég hefði verið eins og kálfur að vori, en ég verð víst að feisa sannleikann og átta mig á því að ég hef sennilega verið líkari belju:-/ Ætla að fara að reyna að komast á handboltaæfingar, er farin að sakna þess þvílíkt! Djöfull er handbolti skemmtileg íþrótt! Og mér er alveg sama þó körfuboltafólk, sem stundar íþrótt án snertingar, segi að handbolti sé snerting án íþróttar! Þetta er skemmtilegast íþrótt í geimi:oD

Úff ég er orðin alveg steikt, læt þetta nægja í bili, beljan að vori til out...